Heim

Copyright © All Rights Reserved

 

 

 

Stuttleiki Kenslur Heilsa

Vælkomin til heimasíðu okkara

 

Nevndin hevur skipað seg (28.mai 2015)

Aðalfundur var í Team Klaksvík 21. mai.

 

Formaðurin seinastu 3 árini, Heri Johnsson, valdi, saman við næstformanninum Sámal Eyðfinn Poulsen, at takka fyri seg. Í teirra stað komu Kristian Andreasen og Jørgin Ellingsgaard, meðan Tórhallur Staksá varð valdur sum tiltakslimur. Nevndin hevði í gjár havt sín fyrsta nevndarfund og hevur skipað seg soleiðis: Formaður er Kristian Andreasen, næstforkvinna er Helena Kallsberg, Óli Joensen er kassameistari, meðan Jørgin Ellingsgaard er skrivari. Tiltakslimir eru Andras Samson og Tórhallur Staksá.

 

Tíðindaskriv frá Team Klaksvík

Ársaðalfundurin hjá Team Klaksvík verður hósdagin tann 21.mai kl.19.30 í Ven og Virka (kjallarinum í Sambýlinum á Heygnum) á Kjalarvegi 48.

 

Á ársaðalfundinum er fundarskráin hendan:

* Val av fundarstjóra.

* Frágreiðing nevndarinnar fyri farna árið.

* Framløga av roknskapi og fíggjarstøðu til góðkenningar.

* Val av nevndarlimum og tiltakslimum.

* Val av grannskoðara.

* Innkomin mál.

* Ymiskt.

Mál, sum limir vilja hava til viðgerðar, skulu vera nevndini í hendi í minsta lagi 12 dagar undan aðalfundinum. Í fundarboðunum verða innkomin mál stutt endurgivin, men skulu liggja frammi í fullum líki á skrivstovu felagsins í minsta lagi 8 dagar undan fundinum.

Nevnast skal at Heri Johnsson, formaður og Sámal Eyðfinn Poulsen, næst formaður, stilla ikki upp aftur til val.

Allir limir felagsins, foreldur, hjálparfólk og stuðlar eru vælkomin.

 

Vegna Team Klaksvík

 

Heri Johnsson, formaður